Quote:
Originally Posted by LazyScot
Then let us pray that come it may,
(As come it will for a' that,)
That Sense and Worth, o'er a' the earth,
Shall bear the gree, an' a' that.
For a' that, an' a' that,
It's coming yet for a' that,
That Man to Man, the world o'er,
Shall brothers be for a' that.
Robert Burns, A Man's A Man for a' That.
|
A corollary from that really smart fella called "anon.":
A Dug's A Dug For A' That
A dug that lives in poverty
That hangs his heid an' a' that;
The mongrel though we pass him by,
Is just as guid for a' that !
For a' that, an' a' that,
His breed's obscure an' a' that,
The pedigree's but the guinea stamp,
The dug's the gowd for a' that.
What though on hamely fare they dine,
They're eatin' tripe an' a' that ?
Gie pampered pets their Pedigree Chum,
A dug's a dug for a' that.
For a' that an' a' that,
Their coats aglow an' a' that
The honest dug tho' e'er so poor
Is king o' dugs for a' that.
Ye see thon tyke thay ca'd a champ
Wha' struts an' stares an' a' that ;
Tho' hunners worship at his bench
He's but a cur an' a' that,
For a' that an' a' that,
His big rosettes an' a' that,
The dug o' independent mind,
Just look an' laughs an' a' that
A judge may say your dug is puir
In heid an' coat an' a' that ;
His mooth is wry, his ears they fly,
His movement's spry for a' that
For a' that an' a' that
He's fu' o' pride for a' that
Your gundog's run at the soond o' a gun,
He's still yer pal for a' that.
Then let us pray that come it may,
(As come it will for a' that)
That sense an' worth o'er a' the earth,
No pedigree an a' that
For a' that, an' a' that
It's comin' yet for a' that
That dug tae dug the whole world oe'er
Shall brithers be for a' that.
Cheers,
Marc