KGB
[kei xhi: bi:] shkurtesë nga Komitet Gosudarstvennoy Bezopasnost Komiteti për Sigurimin e Shtetit. KGB ishte emri i agjencisë së sigurisë, shërbimeve sekrete dhe policisë sekrete të Bashkimit Sovjetik. KGB-ja u krijua më 13 mars 1954 dhe vazhdoi të funksionojë deri më 6 nëntor 1991. Në Bashkimin Sovjetik, KGB-ja ishte i vetmi organ që kishte shumë kompetenca, ndryshe nga Shtetet e Bashkuara të Amerikës, ku kompetencat ishin të ndarë midis CIA-s, kundërspiunazhit, FBI-së dhe organizmave të tjerë. Ajo ishte një organizatë autonome, KGB-ja merrej me spiunazhin e kundërspiunazhin, si dhe investigimin e ruajtjen e brendshme të Bashkimit Sovjetik. Gjatë viteve ku në krye të shtetit ishte Brezhnjevi (1964-1982), shërbimi sekret numëronte rreth 300 mijë informatorë. Këta shërbenin në të shumtën e rasteve për të vëzhguar dhe ushtruar represion më shumë mbi disidentët. Disa krerë të kësaj organizate kanë arritur të merrnin poste të rëndësishme drejtuese. J. Andropov, para se të bëhej sekretar i parë i Bashkimit Sovjetik në vitin 1982, ka qenë për një kohë të gjatë në drejtimin e KGB-së. Në vitin 1991, pas dështimit të grushtit të shtetit të organizuar nga KGB-ja, kjo e fundit u shpërnda.