HyperText Transfer Protocol

HyperText Transfer (or Transport ) Protocol [haipë:tekst træn'spo:t/ træns'fë: 'prëutëkol] protokoll i bartjes së hipertekstit. (shkurt HTTP)

hyperlink
[haipë:link] n. hiperlidhje (Lidhje mes elementeve në dokument hipertekstual, siç është një fjalë, shprehje, simbol ose fotografi, me element tjetër në dokument ose me dokument tjetër hipertekstual, datotekë apo skenar. Shfrytëzuesi aktivizon lidhjen duke klikuar mbi objektin per lidhje, që zakonisht është i nënvizuar ose me ngjyrë të caktuar që e dallon nga pjesa tjetër e dokumentit.)
(Definicion tjetër për hyperlink - Hiperlidhje (hyperlink) quhet një tekst apo një grafikë e njgjyrosur dhe e nënvizuar në të cilën klikoni për të kaluar në ndonjë web faqe apo web sajt tjetër, në ndonjë faill, në ndonjë folder apo në ndonjë HTML faqe në WEB.)

hypermedia
[haipë:'mi:dië] n. hipermedia (Hipermedia paraqet integrim (bashkim dhe ndërlidhje) të zërit, animacionit, fotografisë ose çdo mediumi tjetër në një sistem unik informativ per ruajtje dhe shfletim të të dhënave. Hipermedia përpiqet të ofrojë ambient të volitshëm për punë dhe mësim, që i përshtatet mënyrës së të menduarit të njeriut, përkatësisht ofron ambient ku shfrytëzuesi i ndërlidh temat njëra me tjetrën, në vend që të kalojë radhazi nga njëra temë në temën e ardhshme, siç ndodh në listat alfabetike. Nëse informatat kryesisht janë në formë tekstuale, atëherë konsiderohen si hipertekste, e nëse përmbajnë video fotografi, zë (muzikë), animacion ose elemente tjera, atëherë këto informata konsiderohen si hipermediale.
Hiperteksti dhe hipermedia janë të dobishme për hulumtime, kërkim informatash, për projekte për shkrim kreativ dhe për doracakë të specializuar, ndërsa funksion i tyre bazik është që të mundësojnë akses të lehtë në informata të nevojshme dhe të dobishme.)

hypertext
[haipë:tekst] n. hipertekst (Hiperteksti paraqet tekst (dokument) në të cilin ekzistojnë fjalë, shprehje ose fjali të shënuara më ndryshe (më të shëndritshme, me ngjyrë ose të nënvizuara), përmes të cilave mund të vendoset lidhie me dokument tjetër ose mundësohet kalim në dokument tjetër. Këto dokumente janë të shkruara në gjuhën HTML (HyperText Markup Language) dhe HTML dokumente. Domethënë hiperteksti përmban rrjet kompleks, josekuencial asocimesh, të cilat shfrytëzuesi mund t'i shfletojë temat e ndërlikuara deri te të cilat ekziston link.
Termi hipertekst është shpikur në vitin 1965 për të përshkruar dokumente që i paraqet kompjuteri dhe që shprehin një strukturë jolineare të ideve, për dallium nga formatet lineare të librave, filmit dhe të folurit.)